برنامج مدفع رمضان الحلقة 1 الاولى
حول البرنامج
الجمهور كان مستنيه بفارغ الصبر.. وأخيراً محمد رمضان فجر مفاجأته الكبيرة ببرنامجه الجديد “مدفع رمضان”! الحلقة الأولى نزلت اليوم 6 مساءً وخليت الناس كلها في حالة هستيريا من الفرحة!
البداية كانت كلام من القلب.. محمد رمضان اعتذر لجمهوره عن غيابه السنة اللي فاتت وقال لهم: “أنا عايز أحتفل بيكم أنتم اللي خليتوني نجم! السنة دي المسلسل هيكون من بطولتكم أنتم!” وكأنه بيقول إنه هيخللي الشهر الكريم فرحة لكل المصريين.
الفقرة الأولى: “قدريّة”
نزل رمضان بمفاجأة في محطة مصر.. قال للجمهور: “أول حد ألاقيه ماسك موبايل من غير كاميرا هايكسب 100 ألف جنيه!” ولقى الراجل المحظوظ وخد الجايزة قدام الجميع! محمد رمضان حتى كلم ابنه عالهوا وقاله: “بابا كسب 100 ألف!” – لحظة كوميدية ومؤثرة في نفس الوقت!
الفقرة التانية: “اللقا نصيب”
في موقف تاني قابل أبوين من المنصورة جايين يزوروا ابنهم المريض في القاهرة.. فاجأهم بمبلغ مالي كبير وخلّى المحطة كلها تزغرد!
عربية الأحلام
ده كان الجزء الأكثر إثارة! عربيات نزلت في كل حتة في مصر – بداية من مرسى مطروح – عشان الناس تكتب أحلامها. اختاروا حلمين عشوائيين: واحد اتحقق على الفور (كان رحلة حج) والتاني هايتسحب عليه مليون جنيه ليلة العيد!
لعبة الأرقام
آخر فقرة كانت مسابقة جماهيرية.. محمد رمضان كون رقم تليفون من 7 أرقام عشوائية واختار 4 متصلين.. اللي رد هايكسب 200 ألف جنيه!
فكرة البرنامج؟
ببساطة.. محمد رمضان هاينزل كل يوم في مكان جديد في مصر، هايلعب مع الناس، هايوزع فلوس، ويحقق أحلام! البرنامج خلي الناس كلها تتسائل: “إحنا هانشوفه فين بكرة؟”
الجمهور قال إيه؟
واحد كتب: “خايف أروح المحطة ألاقي ناس كتير واقفة تستنيه!”
تاني قال: “مدفع رمضان أحسن برنامج في السنة دي!”
تالت علق على الأغنية: “اللحن والكلام تحفة!”
خلاصة الحلقة: محمد رمضان حول الشهر الفضيل لـ”كرنفال فرحة”! الجمهور دلوقتي مستني الحلقة الجاية عشان يشوف هيعملوا إيه في الأيام اللي جاية!
مسلسلات رمضان 2025
